شاعر کا تعارف

علامہ اقبال (1877–1938)

علامہ محمد اقبال کو مشرق کا شاعر کہا جاتا ہے۔ سیالکوٹ میں پیدا ہوئے، فلسفے کی اعلیٰ تعلیم یورپ سے حاصل کی، اور اپنی شاعری میں خودی، خودداری اور مسلمانانِ عالم کی بیداری کا پیغام دیا۔ بانگِ درا، بالِ جبریل اور ضربِ کلیم ان کی مشہور تصانیف ہیں۔ اقبال کی شاعری صرف جمالیاتی نہیں بلکہ فکری اور اصلاحی بھی ہے، جس نے برصغیر کے مسلمانوں کی سیاسی اور فکری تحریک میں کلیدی کردار ادا کیا۔ وہ پاکستان کے تصور کے اولین علمبرداروں میں شمار ہوتے ہیں اور آج بھی قومی شاعر کے طور پر یاد رکھے جاتے ہیں۔