پھر امیدوں کو شعاع کامرانی کر عطا

قسمت تاریک کو ہنگامۂ تنویر دے

دل میں جو رہتے تھے امید کی دنیا ہو کر

وہ چلے جاتے ہیں کیوں داغ تمنا ہو کر

امید نہیں اب کشتئ دل ساحل پہ سلامت جا پہنچے

دریائے الم بھی باڑھ پہ ہے اشکوں کی جدا طغیانی ہے

یاس و امید یوں رہیں راہ طلب میں ساتھ ساتھ

چار قدم ہٹا دیا چار قدم بڑھا دیا

میں تری امید میں ہستی مٹا کر مٹ گیا

اب تو اک ٹھوکر لگا دے پائے جانانہ مجھے

عزیزوں سے امید مضطرؔ فضول

توقع کی دنیا فنا ہو گئی