اک بوسہ دیجئے مرا ایمان لیجئے

گو بت ہیں آپ بہر خدا مان لیجئے

اپنی گرہ سے کچھ نہ مجھے آپ دیجئے

اخبار میں تو نام مرا چھاپ دیجئے

سنتے نہیں ہیں شیخ نئی روشنی کی بات

انجن کی ان کے کان میں اب بھاپ دیجئے

مچھلی نے ڈھیل پائی ہے لقمے پہ شاد ہے

صیاد مطمئن ہے کہ کانٹا نگل گئی

پروانوں نے فانوس کو دیکھا تو یہ بولے

کیوں ہم کو جلاتے ہو کہ جلنے نہیں دیتے

میں نزع میں ہوں آئیں تو احسان ہے ان کا

لیکن یہ سمجھ لیں کہ تماشا نہیں ہوتا

بکی مے بہت فصل گل میں گراں

جو سچ پوچھو پھر بھی یہ سستی رہی