عاشق نہ ہو تو حسن کا گھر بے چراغ ہے

لیلیٰ کو قیس شمع کو پروانہ چاہیے

دیکھ اے چمن حسن تجھے باغ میں خنداں

شبنم نہیں یہ گل پہ خجالت سے عرق ہے

عشق کی ابتدا بھی تم حسن کی انتہا بھی تم

رہنے دو راز کھل گیا بندے بھی تم خدا بھی تم

تیرے حسن کی دیکھ تجلی اے رشک حور

سورج کہوں کہ چاند کہ نور خدا کہوں

عشق ادا نواز حسن حسن کرشمہ ساز عشق

آج سے کیا ازل سے ہے حسن سے ساز باز عشق

کان کا بالا ہے یا گرداب بحر حسن ہے

کشتئ دل کو جو میری اب ڈبا جاتے ہو تم