کہتا ہے کوئی کہ گلستاں کو دیکھا

کہتا ہے کوئی کہ ایں و آں کو دیکھا

فرمایا مجھے عشقؔ نے اس بات کو سن

جب آپ کو دیکھا تو جہاں کو دیکھا

دل جان کو رو رو کے عبث کھوتا ہے

احوال پہ تیرے تو جہاں روتا ہے

دل ہنس کے لگا کہنے کہ سن مجھ سے عشقؔ

ایسا ہی محبت میں میاں ہوتا ہے

اوروں کو تو دنیا میں قضا نے مارا

دی زیست خدا نے پھر خدا نے مارا

ہر صورت مرگ و زیست اپنی ہے جدا

اس لب نے جلایا تھا ادا نے مارا

مشکل سے تجھے او گل رعنا پایا

کونین میں پھر کر ترا کوچہ پایا

دنیا عقبیٰ سے عاشقی حاصل کی

صغرا کبریٰ سے یہ نتیجہ پایا

عاشق کو کہاں شکیب شیدا ہو کر

دل زندۂ جاوید ہے مردا ہو کر

پیوند زمیں کرے جو مج کو گردوں

گرد اس کے پھرے خاک بگولا ہو کر

کچھ تو ہمیں گلشن سے اجی ہات لگے

کھل جائے کنول دل کا کلی ہاتھ لگے

عارض نہ دکھاؤ اک نظر دیکھ تو لو

گر پھول نہیں تو پنکھڑی ہاتھ لگے